250 Yaşlı İnsan

Açıklama

Ayətullah Seyid Əli Xameneinin "250 Yaşlı İnsan" kitabı İslam tarixində 14 məsum imamın siyasi mübarizəsinə dair onun çıxışlarından seçmələrdən ibarətdir. Kitabda imamların həyatına adi tarixi şəxsiyyətlər kimi deyil, vahid bir hərəkətin ardıcılları kimi yanaşılır. Müəllif vurğulayır ki, İslam Peyğəmbərinin (s) vəfatından sonra onun canişinləri olan imamlar yalnız dini liderlər deyil, həm də siyasi rəhbərlər kimi fəaliyyət göstərmiş, müxtəlif dövrlərdə fərqli üsullarla, lakin vahid bir məqsəd – İslam hakimiyyətinin bərqərar olunması uğrunda mübarizə aparmışlar. Kitabın adı – "250 Yaşlı İnsan" – imamların 250 il ərzində davam edən mübarizəsinə işarə edir. Bu dövr hicrətin 11-ci ilindən (Peyğəmbərin (s) vəfatı) başlayaraq, hicrətin 260-cı ilinə (İmam Həsən Əsgərinin (ə) vəfatı və İmam Mehdinin (ə.f) qeybə çəkilməsi) qədər davam edir. Müəllif imamların həyatını bir-birindən ayrı tarixlər kimi deyil, vahid bir insanın - yəni İslamın mübarizə aparan simasının – davamlı hərəkəti kimi izah edir.